Түбәнкамалыларга балалар табибларына интернет аша дөрес язылу турында сөйләделәр

Түбән Камада педиатр, тар белгечләр кабул итүгә һәм балалар поликлиникаларында анализ тапшыруга федераль дәүләт хезмәтләре Порталы аша язылырга кирәк. Бу хакта перинаталь үзәк белән Балалар шәһәр хастаханәсе матбугат хезмәте хәбәр итә.

ТР Дәүләт хезмәтләре аша да язылырга була, әмма барыбер gosuslugi.ru хезмәтләре белән файдалану кулайрак булыр, дип аңлаттылар хастаханәдә.

Кабул итү расписаниесе 8 календарь көнгә, ә анализ тапшыру өчен 14 календарь көнгә куела.

Сайт аша язылып булмаса, 44-77-21, 44-77-22 номерлары буенча колл-үзәккә яки поликлиникага шалтыратырга була: 39-90-60 (№ 1), 36-48-93 (№ 2).

Моңа кадәр без Ришат Төхвәтуллинның Андрей Малахов тапшыруында катнашуы турында язган идек.