Түбәнкамалыларга макулатура тапшырган өчен акча түләнәчәк

22 декабрьдә Түбән Камада «Калдыкларны — керемгә» экологик акциясе узачак. Шәһәр халкы кабул итү пунктларына тупланган макулатураны тапшыра алачак.

Нокталарның эш режимы:

• 11.00-11:40 — балалар экология-биология үзәге (Шинчылар пр., 59);
• 12.00-12:30 — «Ковер» яшьләр инициативасы үзәге (Мәктәп бульвары, 7/2);
• 12:45-13:15 — «Велики» паркы;
• 13:30-14.00 — «Эссен» янындагы парковка (Төзүчеләр проспекты, 55);
• 14:20-15.00 — Кызыл Чишмә бистәсе.

Түбән Кама халкы китаплар, кәгазь, газеталар (8 сум/кг), картон (3 сум/кг), ПЭТ-шешәләр (5 сум/кг), полиэтилен (5 сум/кг), шешә капкачлары (5 сум/кг), алюминий банкалар (25 сум/кг) тапшыра ала.

Акцияне оештыручылар хәбәр иткәнчә, эшкәртүгә йомырка савытлары, сок каплары, обойлар, пыяла һәм бер тапкыр кулланыла торган савытлар кабул ителми.