Түбәнкамалыларга Яңа ел чыршысына ут капкан очракта, нишләргә кирәклеген аңлаттылар

Яңа ел алдыннан Түбән Кама халкына чыршы яна башлаган очракта нишләргә кирәклеген искәрттеләр. Бу хакта МЧС идарәсенең матбугат хезмәте хәбәр итә.

Беренче чиратта балаларны һәм өлкәннәрне бинадан чыгарырга, аннары коткаручыларны чакырырга кирәк. Аннары, электр гирляндасын электр чыганагыннан өзәргә онытмагыз. 

Полимер материаллардан ясалган ясалма чыршыга ут капкан очракта, сүндерү өчен су кулланмагыз — синтетика эри һәм яну процессында агып чыгарга мөмкин. Әгәр утны беренче минутларда сүндереп булмаса, бинадан тизрәк чыгарга кирәк.