Түбәнкамалылар Луганск балаларына ярдәм алып килде

Түбән Кама вәкилләре Луганск Халык Республикасына чираттагы ярдәм белән килделәр.

Рубежное һәм Лисичанск шәһәрләрендә кечкенә балалары булган гаиләләр өчен гуманитар ярдәм китерелде. Алар арасында бала коляскалары, подгузниклар, кечкенә балалар өчен махсус туклану, бер яшькә кадәр булган сабыйлар өчен гигиена чаралары бар.

Балалар әйберләре төялгән йөк машинасын «Вместе мы можем больше» волонтерлар хәрәкәте лидеры Лариса Нуреева һәм аның фикердәшләре алып килде. Түбәнкамалылар даими рәвештә гуманитар ярдәм җыя һәм тиешле урынга җиткерә.

Лариса Нуреева бу шәһәрләргә беренче тапкыр баргач, анда кечкенә балалары булган гаиләләр белән очраша. Шуннан соң ул аларга ярдәм итәргә була. Аның фикерен шәһәрдәшләре хуплый.