Түбән Каманың Химиклар урамында төзекләндерелгән ишегалдын ачу тантанасы булды

Түбән Камада Химиклар проспектындагы 14б йортының яңартылган ишегалды тантаналы рәвештә ачылды.

Эшләр «Безнең ишегалды» республика программасы буенча үткәрелде. Ишегалдын ачу бәйрәме Татарстан Республикасы Рәисе инициативасы белән оештырылган «Татарстанда җәй» масштаблы проектның бер өлеше булды.

Ишегалды үзгәрде: асфальт һәм тротуарлар ремонтланды, заманча спорт комплексы, яңа фонарьлар, уңайлы эскәмияләр һәм урналар куелды.

Бәйрәмгә килүчеләр өчен күршелек фестивале кысаларында бай программа әзерләнгән иде: махсус хәрби операциядә катнашучылар өчен гуманитар ярдәм җыю, балалар һәм өлкәннәр өчен төрле мастер-класслар, уен мәйданчыклары, җирле артистлар катнашында концерт һәм шәһәр китапханәсеннән китаплар күргәзмәсе оештырылды.