Түбән Камадан Ижауга өстәмә поездлар җибәреләчәк

1 гыйнвардан Ижау — Түбән Кама — Ижау маршруты буенча өстәмә шәһәр яны поездлары йөри башлаячак. Бу хакта Россия тимер юллар матбугат хезмәте хәбәр итә.

Шулай итеп, Ижаудан поезд 4:40 сәгатьтә китеп, Түбән Камага 8:13 сәгатьтә килеп җитәчәк. Түбән Камадан 16:36 сәгатьтә китеп, Ижауга 22:28 сәгатьтә килеп җитәчәк. 

Поездлар көн саен йөри. Тулырак мәгълүматны тәүлек буе 8 (800) 550-53-93 телефоны буенча алырга мөмкин.