Түбән Камадан армиягә чакырылучылар РФ Һава-космос көчләрендә хезмәт итәчәк

Түбән Камада 2 июльдә Россия Федерациясе Кораллы Көчләре сафларына чакырылучылар җибәрелде.

28 түбәнкамалы коры җир гаскәрләрендә, Хәрби-диңгез флотында, Һава-космос көчләрендә, шулай ук Росгвардиядә хезмәт итәчәк.

Түбән Кама шәһәре һәм районы хәрби комиссары Газинур Ситдыйков егетләргә үгет-нәсыйхәт сүзләре белән мөрәҗәгать итте.

«Түбәнкамалыларның кәефе күтәренке, дәртле. Егетләр хезмәткә, чираттагы җиңүләргә әзер», — диде ул.

2024 елның 21 июненнән бирле РФ Кораллы Көчләре сафларын 170 кә якын түбәнкамалы тулыландырды.