Түбән Камадагы 43нче балалар бакчасын ремонтлауга 84 миллион сум акча бүлеп биреләчәк

Түбән Камадагы 43 нче балалар бакчасын капиталь ремонтлауга 84,3 миллион сумга якын акча юнәлтү планлаштырыла.

Татарстанның дәүләт сатып алулары порталында шул турыда тендер урнаштырылган.

Ремонттан тыш, бу суммага җиһазлар, мебель һәм инвентарь сатып алу да керә.

Шулай ук әлеге дәүләт контракты буенча Әгерҗе, Апас һәм Теләче районнарында тагын өч балалар бакчасы яңартылачак.

43 нче балалар бакчасы Төзүчеләр проспектындагы 32б йортында урнашкан. Балалар бакчасына нигез 1980 елда салынган. Хәзер анда 120 бала йөри.

Фото: vk. com/public211671535