Түбән Камада ТКХ хезмәтләре өчен квитанцияләрдә яңа юл турында имеш-мимешләргә «СОГАЗ» ачыклык кертте

«СОГАЗ» матбугат хезмәте Татарстан Республикасы территориясендә ТКХ хезмәтләре өчен квитанцияләрдә яңа юл барлыкка килү турында имеш-мимешләрне кире какты.

Искәртеп үтәбез, шушы көннәрдә мессенджерлар буенча түбәнкамалылар һәм район халкы төркемнәрендә ТКХ хезмәтләре өчен яңа юл барлыкка килү турында хәбәр җибәрелгән иде.

Шулай итеп, мәгълүмат дөреслеккә туры килми. НТР 24 телеканалына «СОГАЗ» компаниясендә аңлатуларынча, коммуналь хезмәтләр белән бергә торакны ирекле рәвештә иминияләштерүгә кагылышлы проект бар, ләкин әлегә ул Татарстанга кагылмый.

«Әлеге проект гражданнарга үз мөлкәтләрен ташламалы шартларда страховкаларга мөмкинлек бирә, әмма ул илнең башка төбәкләрендә гамәлгә ашырыла һәм хәзерге вакытта Татарстан Республикасына кагылмый», — дип аңлаттылар матбугат хезмәтендә.