Түбән Камада сәнәгать калдыклары полигонын бетерергә планлаштыралар

Түбән Кама районы башкарма комитеты химкомбинат эшчәнлеге нәтиҗәсендә 1980 нче еллардан бирле тупланган сәнәгать калдыкларының гамәлдә булмаган полигонын бетерү проектын әзерләгән. Документны «Гидрокор» төзелеш компаниясе» эшләде.

Дүшәмбе киңәшмәсендә башкарма комитетның хезмәтне саклау һәм әйләнә-тирә мохитне саклау бүлеге башлыгы Ольга Чернышева сөйләгәнчә, 30 майда документ ТР Экология министрлыгы каршындагы фәнни-техник советка карауга тәкъдим ителгән. Алынган тәкъдимнәр һичшиксез исәпкә алыначак, дип ассызыклады Чернышева. 

Объектны «Экологик иминлек» илкүләм проектының «Генераль җыештыру» федераль проектына кертү планлаштырыла.