Түбән Камада шәһәр маршрутларында түбән идәнле зур автобуслар йөри башлады

Түбән Камада 8 февральдә шәһәр маршрутларына яңа автобуслар чыкты. Сыйдырышлы зур «Лотос»лар инде 1, 10 һәм 56 нчы маршрутлар буенча йөри.

Яңа автобусларны Татарстан Рәисе тапшырды, алар республика тарафыннан федераль программа буенча алынды.

«Дәүләт программасына кереп, җәмәгать транспорты сыйфатын яхшырта алуыбыз өчен ил һәм республика җитәкчелегенә рәхмәт. Бу түбән идәнле автобуслар интервалларны кыскартырга мөмкинлек бирәчәк, сыйдырышлы һәм «батыр кешеләр» өчен уңайлы», — дип язган Түбән Кама мэры Рамил Муллин үзенең телеграм-каналында.