Түбән Камада Сабантуйга бүләкләр җыю булачак

Түбән Камада 13 июньдә Сабантуйга бүләкләр җыю оештырыла. Бүләк җыючылар Химиклар проспектындагы 72б номерлы йорттан Тукай исемендәге паркка кадәр хәрәкәт итәчәк.

Юлда алар Заман китапханәсе янында (Шинчылар проспекты, 44), Студентлар урамы, 32б һәм Мәктәп бульвары, 7/2 йортлары янында тукталачак.

Һәр тукталышта иҗат коллективлары театральләштерелгән музыкаль тамаша күрсәтәчәк. Теләге булган һәркем бүләк җыючыларга кушылып, батырлар, конкурсларда, уеннарда һәм спорт ярышларында катнашучылар өчен бүләкләр алып килә алачак.

Бүләк җыю 18 сәгатьтә башлана.

Исегезгә төшерәбез, Түбән Камада Сабантуй 15 июньдә узачак.