Түбән Камада республика хакатонында катнашучылар туңдырманы тикшерәләр

Түбән Камада «Инженер векторы» исемле беренче республика хакатоны 12 команда җыйды.

Чара барышында укучылар үзләрен химиклар, физиклар һәм информатиклар ролендә сынап карый ала, дип хәбәр итә шәһәр администрациясенең матбугат хезмәте.

Хакатон инженер һөнәрләренең абруен күтәрүгә, робототехниканы һәм техник иҗатны популярлаштыруга һәм үстерүгә юнәлдерелгән.

Катнашучыларга үз осталыкларын химик анализ, логистика һәм маркетинг станцияләрендә күрсәтергә туры киләчәк, ә тикшеренү объекты туңдырма булачак.

Чара нәтиҗәләре буенча барлык катнашучылар дипломнар һәм истәлекле призлар белән бүләкләнәчәк.