Түбән Камада өлкән яшьтәге кешеләрне компьютер нигезләренә өйрәтәләр

Түбән Камада өлкән буын кешеләре өчен компьютер нигезләре буенча дәресләр үткәрелә. Бу хакта шәһәр администрациясенең матбугат хезмәте хәбәр итә.

Хәзерге дөньяда компьютер белән идарә итү көндәлек проблемаларны чишүне җиңеләйтә, вакытны экономияли һәм гомумән тормыш сыйфатын яхшырта.

«Бу өлкән буын кешеләре өчен актуаль, чөнки бу белемнәр пенсионерларга социаль активлыкны сакларга мөмкинлек бирә», — дип билгеләп үтәләр хакимияттә.

Дәресләр барышында өлкән яшьтәге кешеләр Интернет челтәре, эзләү системалары, электрон почта турында башлангыч белем ала, ә иң мөһиме — дәүләт хезмәтләре порталыннан файдаланырга өйрәнә.

Мондый дәресләр шәһәрнең 1, 5, 4, 48 нче китапханәләрендә, «Заман» уку һәм аралашу үзәгендә, шулай ук Габдулла Тукай исемендәге Үзәк китапханәдә уза.