Түбән Камада күп балалы аналар мәсьәләләре буенча түгәрәк өстәл оештырылды

«Бердәм Россия» партиясенең Түбән Кама бүлекчәсендә күп балалы аналар мәсьәләләре буенча түгәрәк өстәл узды. Очрашуда хатын-кызлар үз тәкъдимнәрен әйттеләр.

Мәсәлән, күп балалы гаилә таныклыгын тантаналы тапшыру, ташламалар исемлеге язылган листовкалар булдыру.

Шулай ук хатын-кыз депутатлар, күп балалы гаиләләр ассоциациясе, сәламәтлек саклау, социаль яклау идарәләре һәм башка өлкәләр вәкилләре сорауларга җавап бирделәр. Алар арасында вакытыннан алда пенсиягә чыгу, җәйге лагерьларга ташламалы юлламалар, бушлай дарулар һәм башкаларга кагылышлылары бар иде.