Түбән Камада «Красная гвоздика» Бөтенроссия хәйрия акциясе узачак

Түбән Камада 9 Май бәйрәме алдыннан ел саен үткәрелә торган «Красная гвоздика» хәйрия акциясе узачак. Бу хакта шәһәр администрациясенең матбугат хезмәте хәбәр итә.

«Җиңү волонтерлары» хәрәкәтендә катнашучылар тарафыннан 20 апрельдән 22 июньгә кадәр РФ территориясендә иганәләр җыю оештырыла.

Акциянең максаты — Бөек Ватан сугышы һәм башка сугыш хәрәкәтләре ветераннарына медицина ярдәме күрсәтү өчен акча җыю.

Волонтерларның киемнәрендә акция символы булачак, ә кулларында — акча җыю өчен махсус бокслар. Барлык акчалар «Буыннар хәтере» фондына тапшырылачак.