Түбән Камада Кама аша боз кичүе яңадан ачылды

Түбән Кама халкына Покровское-Красный Ключ боз кичүенең ачылуы турында хәбәр итәләр. Исегезгә төшерәбез, аны начар һава торышы аркасында вакытлыча япканнар иде.

Белгечләр якшәмбе, 21 гыйнвардан, кичүне һәм аңа керү юлларын кардан чистарту буенча эш алып барды.

«Түбән Камадан кичүгә кадәр юл катлаулы, колеялар. М-7гә кадәр юлның калган өлешләре чистартылган, күтәрелү урыны да чиста. Боз кичүе эшли», — дип язылган кичүнең социаль челтәрләрдәге төркемендә.