Түбән Камада «Кама Артегы»н язгы-җәйге сезонга яңарталар

Түбән Каманың «Кама Артегы» лагерен язгы-җәйге сезонга әзерлиләр. Биредә ата-аналар кертемнәре һәм бюджеттан тыш бирелгән 1 млн 995 мең сум хисабына өлешчә ремонт башланган. Бу хакта «эшлекле дүшәмбе» дә Түбән Кама муниципаль районы башкарма комитетының яшьләр эшләре идарәсе җитәкчесе Фәрит Шәяхмәтов хәбәр итте.

Ремонт эшләре исемлегендә демонтаж һәм буяу эшләре, стена, түшәм һәм идән плиткалары урнаштыру, фасадны яңарту, тәрәзәләрне, тәрәзә төпләрен, ишек һәм ишек яңакларын алыштыру, монтаж эшләре бар.