Түбән Камада ишегалдын яңа елга иң яхшы бизәү конкурсының республика этабына үтте

Түбән Кама иң яхшы Яңа ел бизәлешенә оештырылган конкурсның республика этабына үтте. Бәйгене «Татмедиа» агентлыгы башлап җибәргән иде. 

Химиклар проспектындагы 14нче йорт ишегалды территориясендәге чыршы шәһәрчеген бөтен йорт белән ясаганнар.

«Түбән Кама «А у нас во дворе...» республика конкурсында катнаша. Хөрмәтле түбәнкамалылар, шәһәребез өчен тавыш бирүегезне сорыйбыз«,—дип мөрәҗәгать итте Түбән Кама халкына «Вокзальная-2» ҖЧҖ директоры Оксана Мерясева.

«Татар-информ» сайтында шәһәргә ярдәм итәргә һәм үз тавышыңны калдырырга мөмкин. Шәһәребезнең номеры — 26.