Түбән Камада Җиңү көнен бәйрәм итәләр

Халык иҗаты йорты янында концерт программасы башланды, шунда ук Лемаев исемендәге мәйданда тематик интерактив мәйданчыклар, мастер-класслар, фотозоналар ачылды.

Моннан тыш, Лемаев исемендәге скверга керү урынында «Хәтер дивары» булдырылды. Биредә шәһәр халкы Бөек Ватан сугышында катнашкан туганнарының фотоларын урнаштыра.

Шулай ук Түбән Кама халкы «Геройларга теләк» акциясендә катнаша. Моның өчен теләгән һәркем ветераннарга яки махсус операциядә катнашучыларга ярдәм итә яки рәхмәт сүзләре яза ала.