Түбән Камада яз җитү белән балалар катнашында юл һәлакәтләре артты

Көннәр җылыну белән Түбән Камада балалар катнашында юл һәлакәтләре саны артты.

Шәһәр дәүләт автоинспекциясендә искә төшерәләр: балаларның юлда йөргәндә иминлеге, беренче чиратта, ата-ана кулында. 

Иң элек балаларга юлны «Зебра» аша гына үтәргә кирәклекне, машиналар юклыгын тикшергәннән соң гына икенче якка чыгарга мөмкин булуын аңлатырга кирәк. 

Моннан тыш, бала ерактан ук күренеп торырга тиеш. Моның өчен яктылык кайтаручы элементларны кулланалар. 

10 яшькә кадәрге балаларга өлкәннәрсез машина юлы тирәсендә йөрү киңәш ителми. 

Моңа кадәр без Түбән Камада ике баланы машина бәрдергән, дип язган идек.