Түбән Камада Габдулла Тукайның тууына 138 ел тулуны зурлап билгеләп үттеләр

26 апрельдә бөек татар шагыйре Габдулла Тукайның тууына 138 ел тулу билгеләп үтелә. Татарстанда аны искә алалар, хөрмәт итәләр. Шулай ук бу көнне Туган тел көне дә билгеләп үтелә.

Шәһәр масштабында чара 1992 елдан бирле үткәрелә. Бүген Түбән Камада Тукай исемендәге паркта интерактив уеннар уздырылды, ә яшь тамашачы театрында шигърият бәйрәме булды.

Аннары кунаклар өчен мастер-класслар, китап ярминкәсе, күңел ачу программасы һәм укучылар конкурсында җиңүчеләрне бүләкләү тантанасы әзерләнгән иде.