Түбән Камада беренче тапкыр тавыш бирүче сайлаучыларга клубка билетлар бүләк ителәчәк

Түбән Камада президент сайлауларында беренче тапкыр тавыш бирәчәк сайлаучыларга театрларга, кинога, спорт комплексларына һәм төнге клубка билетлар бүләк итәчәкләр.

Шулай ук алар «Батыр»да бушлай прокаттан файдалана алачак. Бу хакта администрациядәге планеркада Түбән Кама районы советының аппарат җитәкчесе Алина Хәбибуллина сөйләде.

Түбән Камада тавыш бирү участокларында масштаблы мәдәни-спорт программасы оештырылачак, медицина пунктлары эшләячәк. Сайлауларда бәйрәм атмосферасы тудырылырга тиеш, — дип күрсәтмә бирде шәһәр башлыгы Рамил Муллин.