Түбән Камада Балаларны яклау көне узачак

Чаралар алты мәйданчыкта узачак. «Сабантуй» аттракционнар паркында, мәсәлән, төш вакытыннан башлап, иҗади осталык дәресләре, хәрәкәтле уеннар, асфальтта «Бәхетле балачак» рәсемнәр конкурсы, концерт, фотозона, аквагрим, шулай ук сабын куыклары белән уеннар башлана.

«Гаилә» паркында көндезге сәгать 11.00 дә «Балачакка кояш бүләк итегез!» дигән театрлаштырылган бәйрәм, шуннан соң «УенФест» республика проекты, «Балачак — бу без» уен программасы, спорт уеннары, «Безнең дус гаилә» концерт программасы узачак. 

Иртәнге 10.00 сәгатьтә «Айда» экстрим-паркында чаралар башланачак. Анда балаларны ачык һавада йога, ата-аналар һәм балалар өчен арт-терапия, памптректа тиз йөрүләр, музыкаль төркем чыгышы, ачык дәресләр, диджей-сетлар, отышлар көтә. 

Шул ук вакытта халык иҗаты йорты янында шәһәрнең мәктәпкәчә белем бирү учреждениеләрендә тәрбияләнүчеләрнең балалар иҗаты фестивале, ә Габдулла Тукай исемендәге паркта «ӘкиятФЕСТ» башлана. 

16.00 сәгатьтә «Мирас» мәдәният йортында «Сәлам, җәй!» бәйрәме оештырылачак.