Түбән Камада 9 Май бәйрәмендә 350 полиция, ЧОП хезмәткәрләре һәм дружиначы дежур торачак

260 полиция хезмәткәре Түбән Камада Җиңү көнен бәйрәм иткәндә тәртип саклаячак.

Аларга ярдәмгә тагын 46 шәхси сак оешмалары хезмәткәре һәм 40 дружиначы чыгачак. Ял итүчеләрнең иминлеген барлыгы 350 кеше тәэмин итәчәк.

Бу хакта террорчылыкка каршы комиссиядә катнашучыларның докладларыннан билгеле булды. Ул шәһәр мэры Рамил Муллин рәислегендә хакимият бинасында узды. Анда массакүләм йөреш урыннарында җиде контроль-үтү пункты оештырылачагы турында да сөйләделәр.