Түбән Камада 7нче тапкыр традицион намаз курслары башлана

Түбән Кама шәһәр мәчетендә 7нче тапкыр традицион намаз курслары башланды.

Программада барлыгы биш дәрес бар. Алар һәр шимбә көнне иртәнге тугыздан төшкә кадәр узачак.

Курслар 11 февральдә башлана. Дәресләргә 8 (917) 259-79-58 телефоны буенча язылырга мөмкин.

"Бары тик яхшы кәеф һәм теләк кенә алып килергә кирәк, калганын без барыбыз да бирәчәкбез. Курслар хатын-кызлар һәм ир-атлар өчен аерым үткәреләчәк, моннан тыш рус телендә белем алырга телүчеләр дә аерым төркемдә укый алачак",- дип сөйләде Түбән Кама үзәк Җәмигъ мәчетенең имам-хатыйб урынбасары Гөлнара Хөсәенова.

Моңа кадәр без түбәнкамалылар мобилизацияләнгәннәр өчен 40 пар йон оекбаш бәйләгән дип язган идек.