Түбән Камада 7 октябрьдә Йөкле хатын-кызлар көне билгеләп үтелә

7 октябрь көнне Түбән Камада Бөтенроссия йөкле хатын-кызлар көне билгеләп үтеләчәк.

Бу дата илдә елына ике тапкыр — 7 апрельдә һәм 7 октябрьдә билгеләп үтелә. Быел Түбән Кама бу вакыйгага беренче тапкыр кушылды. Яз көне чара хатын-кызлар консультациясендә узды.

7 октябрьдә 12:00 сәгатьтә яңартылган музыка көллиятендә йөкле хатын-кызлар өчен бәйрәм узачак. Булачак әниләр фотозоналарда истәлеккә фотога төшә, медицина һәм социаль ярдәм күрсәтү мәсьәләләре буенча белгечләрдән консультацияләр ала, шулай ук концерт программасын карый алачак.

Фото: Түбән Кама администрациясенең рәсми сайты.