Түбән Камада 1 февральдән бердәм лимитсыз проездной эшли башлый

Беренче февральдән Түбән Камада бердәм лимитсыз электрон проездной кертелә. Бу хакта шәһәр хакимиятенең матбугат хезмәте искә төшерә.

Яңа проездной автобуслар һәм трамвайларны да кертеп, шәһәр җәмәгать транспортының барлык төрләрендә эшли. Әлеге билетны «Россия почтасы» бүлекчәләрендә сатып алырга мөмкин.

Ай саен тулыландыру суммасы 1 500 сум тәшкил итә. Картаны «Россия почтасы», «Ак Барс» банк бүлекчәләрендә, шулай ук дәүләт хезмәтләре — uslugi.tatarstan.ru һәм «Социаль карта» — social-card.ru. сайтларында тулыландырырга мөмкин.