Түбән Кама халкы 27 апрельдә «Җиңү диктанты»н язачак

27 апрельдә түбәнкамалылар Бөек Ватан сугышы вакыйгалары темасына Халыкара тарихи диктант язуда катнаша ала.

Бу инде бишенче «Җиңү диктанты» булачак. Гадәттәгечә, ул Россиядә һәм аннан читтә дә үткәрелә.

Түбән Кама муниципаль районы матбугат хезмәтендә әйтүләренчә, безнең шәһәрдә диктант язу Габдулла Тукай исемендәге Үзәк китапханәдә 12:00 сәгатьтә башлана.

Катнашу өчен сайтта алдан теркәлергә кирәк.

2022 елда «Җиңү диктанты» нда дөньяның 45 иленнән 1,6 миллионнан артык кеше катнашты.