Түбән Кама табибы дүр тапкыр МХО зонасына барган

Руслан Гәрәев белгечлеге буенча — хирург, Түбән Кама үзәк район күппрофильле хастаханәсендә баш табибның медицина бүлеге буенча урынбасары булып эшли.

Ул беренче тапкыр фронтка 2022 елда волонтер булып барган. Хәрби шартларда уздырылган беренче операциясен әле дә хәтерли: туктаусыз атышлар барган вакытта эшләгәннәр. Шулай булса да, операция өстәле яныннан беркем дә китмәде, үз эшләрен дәвам иттеләр«, — дип искә ала хирург. Әнә шулай итеп, табиблар һәр пациентның тормышы өчен көрәшәләр, хәрбиләргә дә, зыян күргән гадәти кешеләргә дә ярдәм итәләр.

Руслан Гәрәев барлыгы дүрт тапкыр МХО зонасына командировкага барган һәм сугышчылар гомерен саклап калу өчен йөзләгән операция ясаган. Хәзер ул «гражданка»да кулыннан килгәнчә кешеләргә ярдәмен итә: гуманитар ярдәм җыюда катнаша, шулай ук сугышчылар өчен медицина буенча лекцияләр үткәрә.