Түбән Кама табиблары ашыгыч ярдәмгә юл бирүче шоферларга рәхмәт белдерде

Түбән Камада ашыгыч ярдәм хезмәткәрләре үзләренә юл биргән машина йөртүчеләргә рәхмәт белдерде. Мондый автосөючеләр төшерелгән видеоязманы алар социаль челтәрләрдә урнаштырдылар.

Медицина хезмәткәрләре билгеләп үткәнчә, ике полосалы хәрәкәт юлларында машина җыелган очракта да, Түбән Кама юллары ашыгыч хезмәтләр машиналарын уздырып җибәрергә мөмкинлек бирә. 

«Шоферларга алга үтми генә, машинаны уңга-сулга алу да җитә, һәм ашыгыч ярдәм машинасы алар арасыннан бер тоткарлыксыз үтеп китә алачак. Ашыгыч ярдәм машиналарына юл биргән һәркемгә рәхмәт! Һәр ситуациядә кеше булып калу бик мөһим!» — дип билгеләп үтте медиклар.