Түбән Кама районында Р-239 автоюлын ремонтлау эшләре төгәлләнде

«Волга-Вятскуправтодор» ФКУ матбугат хезмәте хәбәр иткәнчә, Алабуга районында М-7 «Волга» трассасының 12 километрлы участогында, шулай ук Түбән Кама һәм Әлмәт районнарында Р-239 автоюлы участокларында саклау катламнарын урнаштыру эшләре тәмамланган.

Эш барышында белгечләр юлның тигезлеген торгызу һәм автомобиль тәгәрмәчләре белән тоташу коэффициентын арттыру өчен асфальт-бетон катнашмасыннан япма җәяләр.

Моннан тыш, барлык участокларда да юл кырыйларын тигезләп, горизонталь юл билгеләре ясалган.

Өстәмә рәвештә билгеләп үтелгәнчә, 2023 елда Татарстанда барлыгы 40,5 км федераль автомобиль юлын яңарту планлаштырыла.

Фото: «Волга-Вятскуправтодор» ФКУның матбугат хезмәте