Түбән Кама районында комбайннар парады узды

Түбән Кама районында комбайннарның уракка әзерлеген тикшерделәр. Бу турыда Түбән Кама районы хакимиятенең матбугат хезмәте хәбәр итә.

Тикшерү барышында механизаторлар техниканың әзерлеге турында хәбәр итүдән тыш, уңышны сыйфатлы итеп җыеп алырлык төп көйләүләрне практикада күрсәттеләр. Быел урып-җыю эшләренә 61 комбайн җәлеп ителәчәк.

«Безнең алда 23 мең гектардан артык бөртекле-кузаклы һәм 11 мең гектарга якын техник культураларны югалтуларсыз җыеп алу бурычы тора. Якын көннәрдә урып-җыюга керешергә ниятлибез», — дип язган социаль челтәрдәге сәхифәсендә Түбән Кама муниципаль районы башкарма комитеты җитәкчесенең авыл хуҗалыгы буенча урынбасары Альфред Нигъмәтҗанов