Түбән Кама районында яңа ел бәйрәмнәрендә 27 коммуналь авария булган

Татарстан Төзелеш министрлыгы 2023 елның 30 декабреннән 2024 елның 8 гыйнварына кадәр республиканың төрле торак пунктларында 93 коммуналь авария теркәгән. Бу хакта министрлыкның матбугат хезмәте хәбәр итә.

41 авария салкын су белән тәэмин итү челтәрләрендә, 31 авария кайнар су челтәрләрендә булган, шуларның 27се Түбән Кама районында теркәлгән, диелә статистикада.

10 авария җылылык белән тәэмин итү челтәрләрендә, тугызы газ белән тәэмин итү челтәрләрендә, икесе электр челтәрләрендә була.

Барлык мөрәҗәгатьләр буенча гаризалар төзелгән, җитешсезлекләрне оператив рәвештә бетерүче авария бригадалары формалаштырылган.