Түбән Кама районы авылында илкүләм проект буенча модульле ФАП ачылды

Түбән Кама районының Колмакчы авылында «Сәламәтлек саклау» илкүләм проекты буенча модульле ФАП ачылды.

Фельдшер-акушерлык пункты 162 кешегә хезмәт күрсәтәчәк. Шуларның 82се — эшкә сәләтле кешеләр, 72се — пенсия яшендәге һәм 8е — балалар, дип хәбәр итә Түбән Каманың сәламәтлек саклау идарәсе.

ФАП бинасында фельдшерның кабул итү бүлмәсе һәм процедура-прививка кабинеты, кабул итүне көтү урыны, шулай ук санузел һәм киенү бүлмәсе бар. Бина кирәкле коммуникацияләргә тоташтырылган һәм кайнар су белән тәэмин ителгән.

Пациентларны кабул итү эш көннәрендә 8:00дән 15:00гә кадәр, шимбә көннәрендә 8:00дән 13:00гә кадәр алып барыла. Якшәмбе — ял көне.