Түбән Кама районы авыл җирлекләрендә су басуга каршы эшләр башланды

Түбән Кама районының су басу куркынычы булган авыл җирлекләрендә су басуга каршы эшләр башланды. Сүз Майскогорский, Каенлы һәм Кызыл Чапчак торак пунктлары турында бара. Анда кирәкле техниканы әзерләгәннәр. Шулай ук су агызу урыннары оештырыла.

Шәһәрдә дә эш актив бара. Ишегалларыннан карны чыгаралар, яңгыр суы улакларын чистарталар. Түбән Кама муниципаль районының башкарма комитеты җитәкчесе Роман Булатов аңлатуынча, Тынычлык проспекты һәм Корабль урамы киселешендәге мәсьәлә хәл ителәчәк, анда ел саен күп күләмдә су җыела.