Түбән Кама мэры Татарстанның иң медианәтиҗәле җитәкчеләренең берсе булды

Түбән Кама муниципаль районы башлыгы, Түбән Кама мэры Рамил Муллин 2023 елның өченче кварталында Татарстан җитәкчеләренең медианәтиҗәлелеге рейтингында икенче урынны алды. Мондый мәгълүматны «ПромРейтинг» агентлыгы тәкъдим итте. Бу хакта Түбән Кама муниципаль районы рәсми сайтында хәбәр ителә.

Медианәтиҗәлелекне тикшерү нәтиҗәләре буенча беренче урында Казан мэры Илсур Метшин, өченче урында Татарстан буенча тикшерү идарәсе җитәкчесе Валерий Липский тора.

Татарстаннан йомгаклау медиарейтингына барлыгы 101 җитәкче керде. Алар арасында министрлык һәм ведомство җитәкчеләре, Татарстан Республикасының шәһәр һәм район башлыклары бар.