Түбән Кама мэры шәһәрдәге демографияне арттырырга чакырды

Шәһәр-район җитәкчеләренең дүшәмбе киңәшмәсендә Түбән Кама мэры Рамил Муллин шәһәрлеләрне демографик күрсәткечләрне арттырырга чакырды. 

Муллин билгеләп үткәнчә, Яңа ел каникуллары вакытында Түбән Камада 48 бала — 25 кыз һәм 23 малай туган.

«Күбрәк бала тудырырга кирәк, һәм мөмкин кадәр күбрәк әниләрнең яхшы тормыш шартлары булсын. Шуңа күрә әйдәгез, ирләр, аз булсак та, ханымнарыбызга ярдәм итәргә тырышырга кирәк», — диде ул туры эфирда.