Түбән Кама мэры ике балага Кыш Бабай бүләген тапшырды

Түбән Кама мэры Рамил Муллин Яңа ел алдыннан ике кыз баланың теләкләрен тормышка ашырды. Алар «Теләкләр чыршысы»на Кыш бабай өчен хат язган булганнар.

Теләге үтәлгән беренче кыз Мирослава исемле. Ул җитди авыруны дәвалауның барлык этапларын узган һәм хәзер ремиссия стадиясендә.

«Без барыбыз да аның өчен бик шат!» — дип яза Муллин.

Ә Каринаның әтисе хәзер ил сагында хезмәт итә һәм кызы аның белән бик горурлана.

«Һәр гаиләдә барысы да яхшы булсын!» — дип билгеләп үтте Түбән Кама мэры.