Түбән Кама җитәкчеләре администрациягә эшкә велосипедта бардылар

Иртәнге 7дән биш урында «энергетик нокталар» эшли, анда велосипедчыларга кечкенә сувенир һәм тамак ялгап алыр өчен җиләк-җимеш бирелә.

Гадәттәгечә, акциягә шәһәр җитәкчеләре дә кушылды. Бүген алар эшкә яңа велосипед юлларыннан торган маршрут буенча бардылар. Делегацияне шәһәр мэры Рамил Муллин җитәкләде.

«Эшкә велосипедта» акциясе — Түбән Каманың 57 еллыгына багышланган бәйрәм чараларының бер өлеше. Шәһәрнең туган көне ике көн дәвамында билгеләп үтеләчәк. Бүген кич «Җәлил» театр комплексында «Голоса Города Н» спектаклен күрсәтәчәкләр, һәркем өчен керү бушлай. Төп бәйрәм чаралары шимбәгә планлаштырылган, бу турыда материалда тулырак укый аласыз.