Татарстанда «Үлемсез полк» яңартылган форматта узачак

Быел «Үлемсез полк» акциясе башка форматта узачак. Теләге булганнар үз геройларының фотоларын акция порталында, автомобиль пыялаларына, оешма стендларына, социаль челтәрләргә урнаштыра алачак. Җиңү Көнендә йөреш булмаячак. Бу турыда Татар-информ мәгълүмат агентлыгына «Россиянең Үлемсез полкы» хәрәкәтенең Үзәк штабы әгъзасы Тимур Халиков сөйләде.

Быел, кайбер төбәкләр куркынычсызлык максатларында акцияне элекке форматта үткәрмәскә карар иткән. Шуннан соң, акциянең Үзәк штабы бөтен ил буенча гибрид форматта уздыруны кулланырга карар итте. Акция эшен яңартылган режимда дәвам итәчәк. 

Геройларның портретларын киемнәргә, транспортка, социаль челтәрләргә урнаштырырга мөмкин, ди спикер.