Татарстанда «Профессионаллар» чемпионаты башлана

Һөнәри компетенцияләрне үстерү үзәге генераль директоры Эмиль Гобәйдуллин сөйләвенчә, ул республика тарихында иң зурысы булачак.

Төбәк этабында барлыгы 6 меңнән артык кеше катнашыр дип көтелә. Аларның 2200 — катнашучылар, 1800 кеше — эксперт-остазлар, баш экспертлар — 310 кеше. Шулай ук 310 техник администратор, 650 бәйсез һәм индустриаль экспертлар җәлеп ителәчәк һәм 900 волонтер булачак. 

Үткәрү якынча 87 мәйданчыкта каралган. Алар 20 төрле муниципалитетларда урнашкан.

Компетенцияләр саны буенча иң зур мәйданчыкларның берсе — «Лемаев исемендәге Түбән Кама нефть химиясе һәм нефть эшкәртү колледжы».