Суд приставлары Түбән Кама халкына алимент мәсьәләләре буенча консультация бирәчәк

Түбән Камада ата-аналары балигъ булмаган балаларына алимент түләүдән баш тарткан гаиләләргә хокукый ярдәм күрсәтү буенча гражданнарны кабул итү узачак.

Түбәнкамалылар үз сораулары белән 3 октябрьдә 15 сәгатьтә Мәктәп бульвары, 2А адресы буенча мөрәҗәгать итә ала (3 нче каттагы актлар залы, керү урыны ян-яктан «Эшмәкәрлеккә ярдәм итү үзәге» аша).

Кабул итүне суд приставлары хезмәте, прокуратура, Эчке эшләр идарәсе, мәшгульлек үзәге, мәгариф идарәсе, опека бүлеге һәм социаль яклау органнары вәкилләре үткәрәчәк. 

Алдан язылу өчен телефон: 8 (8555) 42-46-63.