Сәламәтлек мөмкинлекләре чикләнгән түбәнкамалылар хокук мәсьәләләре буенча кайнар линиягә мөрәҗәгать итә алачак

Җомга, 9 декабрь көнне, Инвалидлар декадасы кысаларында Татарстан Республикасында Кеше хокуклары буенча вәкаләтле вәкил сәламәтлек мөмкинлекләре чикләнгән кешеләрнең хокукларын үтәү мәсьәләләре буенча кайнар линия үткәрәчәк.

Түбәнкамалыларның сорауларына ТРда Кеше хокуклары буенча вәкаләтле вәкил аппараты, ТР Хезмәт, мәшгульлек һәм социаль яклау министрлыгы, ТР Сәламәтлек саклау министрлыгы, РФ Социаль иминият фондының ТР буенча төбәк бүлеге, шулай ук ТР буенча Медик-социаль экспертиза баш бюросы вәкилләре җавап бирәчәк.

Сорауларны 8(843) 236-00-71 телефоны буенча 10:00 сәгатьтән 15:00 сәгатькә кадәр бирергә мөмкин.

Шулай ук сорауларны 8(939)345-37-50 телефон номеры буенча WhatsAppка да җибәрергә мөмкин.

Моңа кадәр без мошенниклар 84 яшьлек әбине 200 мең сумга алдаган дип язган идек.