Сәламәтлек мөмкинлекләре чикләнгән түбәнкамалылар өчен яңа стоматология кабинеты ачылды
Бу — республикада ОМС полисы буенча дәваланырга мөмкин булган икенче кабинет.
Перинаталь үзәкле Түбән Кама балалар хастаханәсендә сәламәтлек мөмкинлекләре чикләнгән балалар өчен стоматология кабинеты ачылды.
Бу — республикада ОМС полисы буенча дәваланырга мөмкин булган икенче кабинет. Мондый беренче кабинет Казанның БРКХдә урнашкан. Монда заманча җиһазлар урнаштырылган, ә квалификацияле белгечләр наркоз астында кечкенә пациентларның тешләрен дәвалаячак.
Бу уңайдан балалар хастаханәсе территориясендә балалар һәм ата-аналар өчен бәйрәм оештырылды. Балаларны төсле костюмнарда аниматорлар уйнатты, мастер-класслар үткәрелде, теләүчеләргә аквагрим ясадылар. Катнашучыларның һәрберсенә истәлекле бүләк тапшырылды.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев