Рамил Муллин мәктәп каникуллары вакытында куркынычсызлык чараларын көчәйтергә кушты

25 марттан укучыларның язгы каникуллары башланды. Дүшәмбе көнне планеркада Түбән Кама мэры Рамил Муллин балаларның ял итү чорында куркынычсызлык чараларын көчәйтергә дигән күрсәтмә бирде.

Каникулларда балигъ булмаганнарның юл хәрәкәте кагыйдәләрен үтәүгә аерым игътибар биреләчәк.

Мәктәп укучылары өчен спорт заллары, өстәмә белем бирү учреждениеләре эшләячәк. Шулай ук Алабуга, Ижевск, Санкт-Петербургка сәяхәтләр планлаштырылган.

«Мин башлыклардан, СТОС җитәкчеләреннән, координация советыннан иминлек мәсьәләсенә игътибар итүләрен үтенәм. Хәзер кар эри, бөтен җирдә су. Балаларның шәһәр тормышында катнашуы да бик мөһим. Сорауны махсус контрольдә тотуны сорыйм», — диде мэр.