Путин Россиядә хезмәт хакларының 8 процентка артачагын белдерде

Россиядә реаль хезмәт хаклары сигез процентка артачак. Бу хакта бүген Россия Президенты Владимир Путин туры элемтә һәм зур йомгаклау конференциясе барышында әйтте, дип яза «Татар-информ».

Ул бу күрсәткечнең инфляцияне исәпкә алынмыйча исәпләнгәнен әйтте.

Бәяләр үсеше, үз чиратында, 7,5 процент тәшкил итәчәк, дип өстәде президент.

Россия Президенты Владимир Путин белән туры элемтә башланды.

Владимир Путин бүген зур матбугат конференциясе барышында елга нәтиҗә ясый, ул быел «Туры элемтә» белән бергә булачак. Мәскәүдә Гостиный дворга студиягә Россия һәм чит ил журналистлары чакырылган.

Трансляцияне «Беренче канал», «Россия-1», «Россия-24», «НТВ», «ОТР», «Мир», шулай ук «Маяк», «Вести FM» һәм «Радио Россия» радиостанцияләре алып бара.