Илкүләм проект кысаларында Түбән Кама районында ФАПка юл салынды

Түбән Кама районының Болгар авылындагы ФАПка яңа асфальт юл салынды.

Түбән Кама администрациясенең матбугат хезмәте хәбәр иткәнчә, бүгенге көндә төзелеш эшләре тулысынча тәмамланган, территория төзекләндерелгән. Бинага шулай ук ут үткәрелгән, якын арада су да барлыкка киләчәк.

Эшләр «Сәламәтлек саклау» илкүләм проекты кысаларында башкарыла. ФАП Болгар авылының, Кызыл Яр һәм Верхний Ключ авылларында яшәүче 230 кешегә хезмәт күрсәтәчәк. ФАП быел ноябрь аенда ачылачак.