Газоннарда калдырмагыз!

Әлеге программа-аппарат комплексы ярдәмендә инспекторлар шәһәрдә газоннарда һәм балалар мәйданчыкларында автомобильләр кую очракларын теркәп барачаклар. 

Хокук бозуларның фотофактларын системага күчергәндә, хокук бозучыларның транспорт чараларының номерлары һәм аларның хуҗалары буенча мәгълүматлар автомат рәвештә формалаштырылачак. 

Түбән Кама башкарма комитеты җитәкчесе Камил Нәҗмиев үзенең ВКонтакте социаль челтәрендәге битендә язганча, программааппарат комплекслары ярдәмендә шәһәр урамнарында тәртип урнаштыру гына түгел, ә машина йөртүчеләрнең автомобильләрен дөрес урыннарга куярга өйрәтү дә планлаштырыла.