«Гаилә белән җәй» фестивале Түбән Камада 17 июльдән 31 июльгә кадәр узачак

Түбән Камада «Гаилә белән җәй» фестивале узачак. «Татарстанда җәй» республика проекты кысаларында оештырылган чаралар «Гаилә» паркында үткәрелә.

Чаралар 17 июльдә балалар өчен танып-белү-күңел ачу программасы белән башлана.

20 июльдә урам музыка культурасы фестивале, ә 24 июльдә «Бәхетле балалар гүзәл планетада яши!» музыкаль-күңел ачу программасы булачак.

Йомгаклау чарасы 31 июльдә узачак. Бу көнне «Кояш һәркем өчен балкый» музыкаль-күңел ачу программасы оештырыла.